माणुसकीच्या नावाने एकत्र येऊया,
चला आपला भारत देश घडवूया.

आमच्या विषयी

सेवा बहुद्देशीय संस्था, अकोला या समाज प्रेमी संस्थेची नोंदणी २०१२ साली झाली होती. "समाजासाठी आपणही काहीतरी देणे लागतो" या विचारातून संस्थेची मूळ प्रेरणा उदयास आली. संस्थेचे संस्थापक वैभव दिलीपराव वानखडे यांनी कॉलेज जीवनापासून अनेक सामाजिक उपक्रम राबवले आहेत, ज्यातून संस्थेची स्थापना करण्याचा निर्णय त्यांनी केला होता.

संस्थेचा प्रवास अनेक अनुभवी लोकांच्या मार्गदर्शनातून पुढे जात आहे. सामाजिक कार्य काय असावे? यापेक्षा सामाजिक कार्य कसे करावे यावर आधारित धोरणे आखली आहेत.

पर्यावरण आपल्यासाठी आहे तसेच आपणही पर्यावरणासाठी आहोत असा आस्थेचा दृष्टीकोन प्रत्येक मोहिमेत आखला जातो. अतिदुर्गम भागात जाऊन काम करण्याची सत्वशिलता नेहमीच जपली जाते.

सेवेचा परिवार, सेवेचे वाटेकरी आणि सेवेचे धारकरी असा स्थिरावलेला आहे. विविध क्षेत्रातील नवनवीन लोक संस्थेच्या कार्यामध्ये मनापासून जोडले जातात. सर्वाना सोबत घेऊन समाजाविषयी प्रेमभावना वाढवणे, मिळेल तसा वेळ समाजोपयोगी आणणे, मानव आणि निसर्गाचा दुवा म्हणून काम करणे असे अनेक प्रमुख उद्दिष्टे समोर ठेवून सेवा संस्था काम करत आहे.

सेवा बहुद्देशीय संस्था, अकोला निस्वार्थ सेवा फाऊंडेशन

संस्थेचे संस्थापक अध्यक्ष श्री वैभव दिलीपराव वानखडे यांनी समाजाचे काही देणे लागते या तत्वावर १९/११/२०१२ ला सेवा बहुद्देशीय संस्थेची स्थापना केली.

मुळात समाजातील वंचित घटकातील प्रत्येकाला मुख्य प्रवाहात कसे आणता येऊ शकते मग ते शिक्षणापासून ते खेळ, आरोग्य, कला उद्योगाकडे मुख्यत्वे लक्ष करून देऊन समाजातील या सर्व वंचितांपर्यंत पोहचण्याचा सोबतच पर्यावरणाविषयी असलेली आपली आत्मीयता जपण्याचा मानस अध्यक्षांनी ठेवला.

त्या तत्वानुसार वाटचाल करीत पर्यावरणाच्या विविध ज्वलंत विषयांवर काम करणे सुरु केले आणि त्याच सोबत शिक्षण क्षेत्र, क्रीडा, आरोग्य यामध्ये आजची गरज लक्षात घेता अमरावती जिल्ह्यातील मेळघाट स्थित आदिवासी बहुल भागात काम सुरु केले आहे.